काभ्रे,
जनयुद्ध दिवसमा आज दिएको बिदा खारेज गर्नुपर्ने माग गर्दै द्वन्द्व पीडित र नागरिक समाजले माइतिघरमा विरोध प्रदर्शन गरेका छन् । माओवादी केन्द्रका अध्यक्ष एवं प्रधानमन्त्री पु्ष्पकमल दाहाल प्रचण्ड नेतृत्वको सरकारले जनयुद्ध दिवसको अवसरमा बिदा दिने निर्णय गरेपछि त्यसको चौतर्फी विरोध सुरू भएको छ। यसैक्रममा बिदा खारेज गर्नुपर्ने भन्दै द्वन्द्व पीडित र नागरिक समाजले काठमाडौंमा विरोध प्रदर्शन गरेका हुन् ।
जनयुद्ध दिवस नेपाल र नेपालीका लागि कालो दिन भएकाले सार्वजनिक बिदा खारेज गर्नुपर्ने भन्दै समाजले सोमबार काठमाडौंको माइतिघरमा विरोध प्रदर्शन गरेका हुन् । उनीहरूले सार्वजनिक बिदाले द्वन्द्व पीडितलाई थप पीडा पु¥याएको आरोप लगाएका छन् । त्यस्तै उनीहरूले द्वन्द्व पीडितलाई न्याय गर्नुपर्ने माग राखेका छन्। माओवादीले २०५२ सालमा आजकै दिन सरकारविरूद्ध सशस्त्र द्वन्द्व सुरू गरेको थियो।
