देबराज उप्रेती,
काभ्रे जिल्लाको तेमाल गाउँपालिकाले गाउँपालिका भित्रका बेरोजगार नागरीकहरुलाई न्युनतम रोजगारीमा आबद्ध हुनको लागि निवेदन माग गरेको छ । रोजगारीको हक सम्बन्धी ऐन २०७५ को दफा ११ रोजगारीको हक सम्बन्धी (दोस्रो संशोधन) २०७७ को नियम ७ को उपनियम १ र प्रधामन्त्री रोजगार कार्यक्रम संचालन निर्देशिका २०७५ को दफा १८ बमोजिम आ व २०८०÷८१ मा रोजगार सेवा केन्द्रबाट आर्थिक तथा सामाजिक अवसरबाट बन्चित बेरोजगार व्यक्तिहरुलाई प्रदान गरिने १०० दिनको न्युनतम् रोजगारीमा संलग्न हुनका लागि गाउँपालिका भित्रका बेरोजगार नागरीकहरुसँग निवेदन माग गरीएको हो ।
सार्वजनिक विकास निर्माणका काममा योगदान गर्न १८ बर्ष उमेर पुरा भई ५९ वर्ष ननाघेको ईच्छुक बेरोजगार व्यक्तिहरुको बेरोजगार सूचीमा सुचीकृत हुन आफु स्थाई बसोबास गरेको सम्बन्धित वडा कार्यालयमा आवश्यक कागजातहरु (निवेदकको नेपाली नगरिकता प्रमाण पत्रको प्रतिलिपी १ प्रति, निवेदकले कुनै सीपमुलक तालिम लिएको भए सो को प्रतिलिपी १ प्रति, निवेदकको फोटो १ प्रति, परिवारमा रहेका व्यक्तिको नागरिकता प्रमाणपत्र वा जन्मदर्ता प्रमाण पत्रको प्रतिलिपी १,१ प्रति अनिवार्य एवं बसाईसराई भएको भए सो को प्रमाण पत्रको प्रतिलिपी १ प्रति) सहित फाल्गुन मसान्त भित्र तोकिएको दाँचामा सम्बन्धित वडा कार्यालयमा निवेदन दिनुहुन गाउँपालिकाले अनुरोध गरेको छ ।
