काभ्रे,
नमोबुद्ध नगरपालिकामा आर्थिक बर्ष २०७८÷७९ को बार्षिक र चालू आर्थिक बर्ष २०७९÷८० को प्रथम चौमासिक समिक्षा बैठक सम्पन्न भएको छ । नगरप्रमुख कुन्साङ लामाको प्रमुख आतिथ्यतामा समिक्षा बैठक भएको हो । कार्यक्रममा गत बर्षको पुर्वाधार विकास,कृषि शाखा,पशुसेवा शाखा,महिला शाखा,शिक्षा शाखा,स्वास्थ्य शाखा लगायतका विभिन्न शाखाले आफ्नो प्रगति, समिक्षा प्रस्तुत गरेका थिए । नगरपालिकाको सभाहलमा भएको कार्यक्रममा नगरप्रमुख कुन्साङ लामा, उपप्रमुख रत्नबहादुर लामा, प्रमुख प्रशासकिय अधिकृत शिवप्रसाद लम्साल, नगरभित्रका सम्पुर्ण वडा अध्यक्षहरु, कार्यपालिका सदस्य, सम्पुर्ण नगर सभा सदस्यहरुको सहभागिता रहेको थियो ।
