रोशी सहकर्मी–फागुन ३,
२०७६,पलाञ्चोक /

ऐतिहासिक पलाञ्चोक भगवती मन्दिरको जग्गा खरिदका लागि महायज्ञ लगाइने भएको छ । मन्दिरका लागि आवश्य जग्गा खरिदका लागि चैत १८ देखी महायज्ञ लगाउन लागिएको जनाइएको थियो । मन्दिरको उत्तरपूर्वमा रहेको सात रोपनी जग्गा किन्नका लागि महायज्ञ लगाउन लागिएको आयोजकले जनाएको छ ।
पलाञ्चोक भगवती संरक्षण समितिका संरक्षक एवं पाँचखाल नगरपालिकाका नगर प्रमुख महेश खरेलले मन्दिरमा पार्किङ गर्दै आएको जग्गा व्यक्तीको नाममा भएपछि उक्त जग्गा खरिदका लागि महायज्ञ लगाउन थालिएको जानकारी दिनुभयो । उहाँले आगामी चैत्र १८ गतेबाट महायज्ञ लगाइने बताउनुभयो । मन्दिरको उत्तरपूर्वमा रहेको ७ रोपनी जग्गा खरिदको लागि तीन करोड ५० लाख रुपियाँ लाग्ने उहाँले जानकारी दिनुभयो । नगरपािलकाले मात्र त्यो रकम राख्न नसक्ने भएकाले महायज्ञ लगाउन लागेका हौँ, भन्नुभयो । उहाँले नगरले ३० लाख रुपियाँ मन्दिरको जग्गा खरिदका लागि रकम दिएको बताउनुभयो ।
पाँचखाल नगरपालिका वडा नं ९ का अध्यक्ष एवं सप्ताह मुल आयोजक समितिका संयोजक किरण श्रेष्ठले महायज्ञबाट पाँच देखि छ करोड रुपियाँ उठाउने लक्ष्य लिइएको जानकारी दिनुभयो । उहाँले भगवती मन्दिरको मुल समितिको नाममा ३० लाख, बृहत्तर विकास कोषमा सात लाख र रथ मर्मतका लागि तीन लाख सहित ४० लाख रकम खातामा रहेको तथा नगरपालिकाले दिएको ३० लाख सहित ७० लाख रुपियाँ रहेको र बाँकी रकमका लागि महायज्ञ लगाउन लागिएको जानकारी दिनुभयो । अहिले पलाञ्चोक मन्दिर वरपरको जग्गा चलनचल्तीमा आनाको १० लाख देखी १४ लाख रुपियाँ सम्म रहेको स्थानीयले बताएका छन । संरक्षक खरेलले जग्गाको न्युनतम मुल्य प्रति आना १४ लाख सम्ममा खरिद विक्री भएको अवस्थामा जग्गाधनिहरुसंग अनुरोध गर्दा प्रति आना तीन लाखमा दिने सहमति भएको बताउनुभयो । नगरप्रमुख खरेलले महायज्ञमा एक लाख आठ हजार रकम दान गर्ने घोषणा गर्नुभयो ।

Facebook Comments Box