काभ्रे,
काभ्रे जिल्लाको रोशी गाउँपालिकाकामा गरिब परिवारलाई परिचयपत्र वितरण गरिएको छ । गाउँपालिका अध्यक्ष दिनेश लामा र उपाध्यक्ष मिम बहादुर वाईवाद्धारा गाउँपालिका भित्रका गरिब परिवारलाई परिचयपत्र वितरण सुरु भएको हो । गाउँपालिका भित्र रहेका न्यून आयस्रोत भएका गरिबीको रेखामुनी रहेका परिवारलाई परिचयपत्र वितरण सुरु गरिएको गाउँपालिकाका रोजगार सहायक अक्कल बहादुर लामाले जानकारी दिनुभयो । भूमिव्यवस्था, सहकारी, गरिबी निवारण मन्त्रालयले २ वर्ष अघि रोशी गाउँपालिकामा रहेका व्यक्तिहरुको तथ्यांक संकलन गरिएकोमा उक्त तथ्यांकको आधारमा हाल परिचयपत्र वितरण भइरहको र हाल सम्ममा जम्मा २३ जनालाई परिचयपत्र वितरण भएको रोजगार सहायक अक्कल बहादुर लामाले जानकारी दिनुभयो ।
नेपालमा प्रतिदिन प्रतिव्यक्ति ५३ रुपैयाँ भन्दा कम आम्दानी भएको व्यक्तिलाई गरिब मान्ने गरिएको छ । विश्व वैंककाअनुसार दैनिक १.२५ डलर भन्दा कम आम्दानी हुनेलाई गरीब मान्ने गरेको छ ।
