तेमालमा आँखा शिविरको पहिलो दिन आज २७५जनाको आँखा चेकजाँच

काभ्रे,

काभ्रे जिल्लाको तेमाल गाउँपालिकामा निःशुल्क अपरेशन सहितको आँखा शिविरको आज उद्घाटन गरिएको छ । तेमाल गाउँपालिकाको आयोजना एवं लायन्स क्लव अफ काठमाण्डौ कन्चनञ्जंगाको प्राविधिक सहयोगमा संचालित निःशुल्क आँखा शिविरको गाउँपालिका अध्यक्ष चन्द्र बहादुर तामाङको प्रमुख आतिथ्यता एवं उपाध्यक्ष दलमान थोकर को विशेष आतिथ्यतामा उद्घाटन गरिएको हो । कार्यक्रमको सभापतित्व सामाजिक विकास संयोजक एवं प्रवक्ता इन्द्रलाल तामाङले गर्नुभएको थियो

शिविरको आज पहिलो दिन २७५ जनाको आँखाको चेकजाँच गरिएको छ भने १६ जनाको मोतिविन्दुको सफल शल्यक्रिया गरिएको गाउँपालिका शिक्षा शाखा कर्मचारी तथा फोकल पर्सन भिम दोङले जानकारी दिनुभएको छ । आजदेखि पुस २८ गतेसम्म पोखरी नारायणस्थान स्वास्थ्य चौकीमा विहान ९ बजेदेखि दिउँसो ३ बजेसम्म शिविर संचालन हुने छ ।
कार्यक्रममा गाउँपालिका प्रमुख प्रशासकीय अधिकृत केदार प्रसाद ढकाल,लयन्स क्लब अफ काठमाडौं कन्चनञ्जंगाका अध्यक्ष शिव अधिकारी ,समाजसेवी इन्द्र दाहाल ,वडानं.५का वडाध्यक्ष हजार सिं तामाङ , See Nepal संस्था कि अध्यक्ष स्मिता लामा लगायतको उपस्थिति रहेको थियो । कार्यक्रम संचालन भने स्वास्थ्य शाखा प्रमुख शिवहरी पाठक ले गर्नुभएको थियो ।