काभ्रे,
तामाङ जातीहरुको नयाँवर्ष अर्थात् ल्होछार पर्वको अवसरमा आज वृहत सोनाम ल्होछार साँस्कृतिक कार्यक्रम सम्पन्न भएको छ । रोशी गाउँपालिकाको सहयोगमा सानीखोला लेम्बावेशी युथ क्लवको आयोजनामा संविधान सभा सदस्य तथा पूर्व सांसद व्यवस्थापिका सांसद एवं जिल्ला सभापति तीर्थ लामाको प्रमुख आतिथ्यमा रोशी गाउँपालिका अध्यक्ष दिनेश लामाको विशिष्ट आतिथ्यतामा सम्पन्न भएको हो । कार्यक्रमको अवसरमा सभापति तीर्थ लामाले रोशी गाउँपालिका विभिन्न जातजाती, भाषाभाषी तथा मौलिकताले भरिएको पालिका भएको र जहाँको मौलिकधर्म, संस्कृति परम्परालाई जोगाउन र यसलाई निरन्तरता दिन आवश्यक रहेको बताउनुभयो । सो अवसरमा सम्पूर्ण रोशी वासीमा बिरालो वर्ग अर्थात नयाँ वर्षको शुभकामना व्यक्त गर्नुभयो । सोही अवसरमा रोशी गाउँपालिका अध्यक्ष दिनेश लामाले रोशीको साझा संकल्प रोशीलाई समृद्ध बनाउने, स्थानीय धर्म, संस्कृतिको संरक्षण एवं संवर्धन गर्र्र्दै विकासका कार्यलाई पनि एकताबद्ध भएर अगाडि बढाउन रोशी सरकार अग्रसर रहेको बताउनुभयो । कार्यक्रममा कलाकारहरुको वेजोड प्रस्तुति रहेको थियो भने रोशी गाउँपालिका उपाध्यक्ष मिमबहादुर वाईवा लगायतका अन्य व्यक्तित्वहरुको पनि उपस्थिति रहेको थियो ।
त्यसैगरी आज माघे संक्रान्ति, आज रोशीको मगर जातीले पनि हर्षोल्लासका साथ माघी पर्व मनाएको छ । नेपाल मगर संघ, नेपाल मगर बौद्ध सेवा समाज वडा समिति रोशी ९ को आयोजनामा माघे सकराती पर्व तथा साँस्कृतिक महोत्सव २०७९ हर्षोल्लासका साथ मनाएको छ । प्रतिनिधि सभा सदस्य काभे्र क्षेत्र न २ का माननीय गोकुल बास्कोटाको प्रमुख आतिथ्यतामा रोशी गाउँपालिका अध्यक्ष दिनेश लामाको विशिष्ट आतिथ्यतमा सम्पन्न भएको हो ।
कार्यक्रमका अवसरमा माननीय गोकुल बास्कोटाले नेपाल बहुजाती, बहुभाषीको देश भएको, त्यसमध्ये पनि मगर जाती नेपालकै तेस्रो धेरै जनसंख्या भएको जाती र नेपालको संरक्षण मौलिक परम्परा तथा संस्कृतिलाई जगेर्ना गर्न ठूलो भूमिका निर्वाह गरेको जातीभएको बताउनुभयो ।उहाँले सामाजिक , साँस्कृतिक, आर्थिक रुपान्तरणको पनि लागि पर्ने बताउनुभयो । समाजको उन्नती विकासको लागि राजनीतिक तहका व्यक्तित्वहरुले भोट माग्न मात्र होइन, जहाफदेहिताको राजनीति गर्नुपर्ने धारणा व्यक्त गर्नुभयो । रोशीबहुजाती, बहुभाषीको बाहुल्यता भएको कारण माघीको अवसरमा मगर जातीलाई र ल्होछारको अवसरमा तामाङ जातीलाई शुभकामना व्यक्त गर्नुभयो । कार्यक्रममा मौलिक मारुनी नाच, मौलिक कौह्रानाच, कलाकारहरुको लोक दोहोरी गीतको प्रस्तुति रहेको थियो ।
