काभ्रे,
काभ्रेपलाञ्चोक जिल्लाको प्रमुख जिल्ला अधिकारी (सिडिओ) मा पुण्य विक्रम पौडेल आउनु हुनुभएको छ । काभ्रेपलाञ्चोकका हुमकला पाण्डेको सुनसरी जिल्लामा सरुवा भएपछि पौडेल काभ्रे आउन लाग्नु भएको हो । पौडेल गुल्मीका प्रमुख जिल्ला अधिकारी हुनुहुन्थ्यो । काभ्रेपलाञ्चोकका सहायक प्रमुख जिल्ला अधिकारी अमरदिप सुनुवार पनि सरुवा हुनुभएको छ । सहायक प्रमुख जिल्ला अधिकारी सुनुवारको जिल्ला प्रशासन कार्यालय ललितपुरमा काज सरुवा हुनुभएको हो । काभ्रेपलाञ्चोक जिल्लाको सहायक प्रमुख जिल्ला अधिकारीमा महेश कुमार पोखरेल आउनु हुने भएको छ । पोखरेल जिल्ला प्रशासन कार्यालय ताप्लेजुङमा प्रमुख जिल्ला अधिकारी रहनुभएको थियो ।