काभ्रे,
रोशी गाउँपालिका अन्तर्गत भिमखोरी स्वास्थ्य चौकीको एम्बुलेन्स बिग्रदा नागरिकलाई समस्या भएको छ । केहि समय अघि टिपरसँग ठोकिएर एम्बुलेन्सको च्यासिस बाँगिएपछि स्वास्थ्य चौकीको एम्बुलेन्स सन्चालन हुन नसकेको । केहीदिन अघि एम्बुलेन्स नभएपछि अमलबासमा गर्भवती महिलालाई डोकोमै बोकेर स्वास्थ्य चौकी लैजाँदै गरेको फोटो सार्वजनिक भएसँगै एम्बुलेन्सका बारे स्थानियको चासो बढेको छ ।
यस बिषयमा वडा अध्यक्ष लालकुमार पाख्रिनले वडाको एम्बुलेन्स बिग्रिएपनि बिरामीका लागि अन्य ठाउँबाट एम्बुलेन्स प्रदान गर्दै आएको बताउनुभएको छ । च्यासिस भारतबाटै ल्याउनु पर्ने भएकाले समय लागेको बताउदै अबको केहीदिनभित्रै एम्बुलेन्स मर्मत भई पुनः सञ्चालनमा आउने वडा अध्यक्ष पाख्रिनले जानकारी दिनुभयो ।
