काभ्रे,
काभ्रेपलान्चोक जिल्लाको बनेपा नगरपालिकाले नगरपालिका र उपभोक्ताको ५०÷५० प्रतिशत लागतमा कम्पोष्ट विन वितरण गरेको छ । फोहर व्यवस्थापनको लागि कुहिने र नकुहिने फोहोर वर्गिकरण गरेर कुहिने फोहरलाई कम्पोष्ट मल बनाउन प्रेरीत गर्नको निम्ति कम्पोष्ट विन वितरण गरिएको हो ।
बाकी फोहरहरु जस्तै प्लास्टिक, कागज, धातु र अन्य सामान विक्री पनि गर्न सकिने भएकोले कौसी खेती संगै मल बनाउने तालिम दिएर कम्पोष्ट विन वितरण गरीएको नगर प्रमुख शान्ति रत्न शाक्यले जानकारी दिनुभयो । नगरपालिकाले एक घर एक कम्पोष्ट विनको लक्ष लिएको छ । यसको लागि आवस्यक थप विनको लागि नगरले बजेट छुट्टाइ सकेको बताईएको छ ।