काभ्रे,
काभ्रेपलान्चोक जिल्लाको खानीखोला गाउँपालिकाले कफि खेतीमा आबद्ध किसानहरुलाई प्रतिकेजी ३५ रुपैयाँ अनुदान दिन सुरु गरेको छ । गाउँपालिकाको ‘जसको उत्पादन उसैलाई अनुदान’ भन्ने निति अनुरुप जनतालाई आर्थिक रुपमा सबल एवं आत्मनिर्भर बनाउन तथा उत्पादन बढाउन किसानहरुलाई प्रोत्साहन स्वरुप कफि खेतीमा प्रतिकेजी ३५ रुपैयाँ अनुदान दिन सुरु गरिएको हो । हालका दिनहरुमा पालिकाको वडा नं. १ र २ का कफि किसानहरुलाई अनुदान दिन शुरु गरिएको छ । बिस्तारै पालिकाको प्रत्येक वडामा पुगेर किसानलाई अनुदान दिने बताइएको छ ।
गाउँपालिकामा आत्मनिर्भर अर्थतन्त्रको विकास गर्न किसानलाई उत्पादनमा प्रोत्साहन दिन यो कार्यक्रम अघि सारेको गाउँपालिका अध्यक्ष इन्द्रबहादुर थिङले जानकारि दिनुभएको छ ।
