काभ्रे,
रोशी गाउँपालिकाको सार्वजनिक सुनुवाई कार्यक्रम आज सम्पन्न भएको छ । आर्थिक वर्ष २०७९÷८० मा सञ्चालन गरेका कार्यक्रमहरु तथा सेवा प्रवाह सम्बन्धि सार्वजनिक सुनुवाई कार्यक्रम गरिएको हो । गाउँपालिकाको आयोजनामा ग्लोबल युटिलिटि रिसर्च युनिट प्रा. लि. को सहजीकरणमा उक्त कार्यक्रम सम्पन्न भएको हो । कार्यक्रममा रोशी गाउँपालिका अध्यक्ष दिनेश लामाले रोशीका नागरिकहरुको गुनासोहरुको सम्बोधन गर्नुका साथै स्थानीय सरकार संचालन ऐन २०७४ मा रहेर गुनासो सुनुवाई गर्न आवश्यक रहेको बताउनुभयो । यसले सेवा प्रदान गर्ने सेवा प्रदायकलाई झकझकाउने कार्य गर्दछ भने सेवाप्रदायकले सोच्न नभ्याएको र जनताको आवश्यकता महसुस गर्न नसकिएको सन्दर्भमाथि कुराहरुको परिपुर्ति गर्न महत्पूर्ण भूमिका खेल्ने बताउनुभयो ।
त्यसैगरी उपाध्यक्ष मिमबहादुर वाईवाले सार्वजनिक सुनुवाई कार्यक्रम रोशीको भूगोलको अवस्था हेरेर हाल गाउँपालिकामै गरेको भएतापनि वास्तविक रुपमा वडा वडामै गर्नुपर्ने धारणा व्यत्त mगर्नुभयो । रिपोर्टमा आएका केही कमीकमजोरीलाई आगामिदिनमा सबै निकायको तर्फ सुधार गर्दै सुशासन कायम गर्नका निम्ति अगाडि बढ्नुपर्ने बताउनुभयो । त्यसैगरी प्रमुख प्रशासकिय अधिकृत रामबहादुर तामाङले नागरिक र बर्हिकगमन प्रतिवेदनको आधारमा आएका तथ्यांक तथा प्रतिवदेनको आधारमा कार्यालयको सरसफाईको कामहरु स्वच्छ र स्फूर्त रुपमा अगाडि बढाउने, कर्मचारीद्धारा आवश्यक राजश्व बाहेक कुनैपनि सेवाग्राहीबाट थप चियाखर्च वा दस्तुरको कुरालाई शुन्यमा झार्न अनुरोध गर्नुभएको छ । आगामी दिनमा योजनाको भुक्तानी गर्दा इलेक्टोनिक फन्ड ट्रान्सफर गर्ने प्रणालीबाट गर्ने जानकारी गराउनुभएको छ , जसमा योजनाको भुक्तानीको निम्ति पूरा गर्नुपर्ने कागजातहरु पूरा भइसकेपछि सोही दिनमै भुक्तानी गर्ने जसले सुशासनको अनुभूत गर्न सकिने धारणा व्यक्त गर्नुभएको छ ।
त्यसैगरी प्रश्नावलीको आधारमा आएको जवाफको आधारमा ग्लोबल युटिलिटिको तर्फबाट ईश्वरी ओझाले प्रतिवेदन प्रस्तुत गर्नुभएको छ । कार्यक्रममा रोशी ९ का विष्णु कुमार लामाले केही मलको विषयमा र खानेपानीको पाईपको प्रयोगमा नआएको सन्र्दर्भमा केही गुनासो गर्नुभएको थियो । रोशी७ बाट दीपकबहादुर गौतमले रोशीको क्रसर उद्योगबाट निस्किएका डस्टको व्यवस्थापन र प्रदुषण मुक्त वातावरण निर्माणको गर्न माग गर्नुभएको छ । गुनासो चित्तबुझ्दो जवाफ गाउँपालिका अध्यक्ष, प्रमुख प्रशाकिय अधिकृतद्धारा सम्बोधन भएको रोशी गाउँपालिकाको प्रवक्ता बसन्त कुमार तामाङले जानकारी दिनुभयो ।
