काभ्रे,
रोशी गाउँपालिकाका कृषकहरुलाई माहुरी पालन सम्बन्धि तालिम प्रदान गरिएको छ । रोशी गाउँपालिकाको सभाहलमा भएको उक्त तालिममा माहुरी पालन व्यवसायमा संलग्न प्रत्येक वडाका २ जनाका दरले २४ जना कृषकहरुलाई उक्त तालिम प्रदान गरिएको कृषि शाखा प्रमुख समिता तामाङले जानकारी दिनुभयो । तालिममा नेपालमा पाईने माहुरीको प्रजाती, विशेषता, माहुरीको वर्ग अनुसार कार्य विभाजन, माहुरी गोलामा हुने निर्यास, गृह त्याग, माहुरी गोला संयोजन र गोलाविभाजन जस्ता विषयमा तालिम प्रदान गरिएको हो ।
साथै माहुरी गोलामा हुने लुट लडाई, वितपाते माहुरी र तिनको व्यवस्थापन, माहुरीका शत्रुहरु, रोगकीरा, परजिवि र तिनको व्यस्थापन, साथै माहुरीको गोला निरीक्षण, माहुरी पालनमा प्रयोग हुने घार सामग्री सम्बन्धि तालिम प्रदानग रिएको हो । तालिमको सहजीकरण भने प्राविधिकहरु लक्ष्मी प्रसाद खरेल, ध्रुवकुमार कार्की, रीतिक पोखरेलले गरेको कृषि शाखा प्रमुख तामाङले जानकारी दिनुभयो ।
