काभ्रे,
बिद्यालय व्यवस्थापन समिती महासंघ नेपालका अध्यक्ष गुणराज मुकतान सम्मानित हुनुभएको छ । गैर सरकारी सस्था महासंघ नेपाल जिल्ला शाखा काभ्रेपलान्चोकले आज एक कार्यक्रमको आयोजना गरि मुक्तानलाई सम्मान गरेको हो । मुक्तान गत चैत्र २१ र २२ गते काठमाडौमा सम्पन्न भएको सामुदायिक बिद्यालय ब्यवस्थापन समिति महासंघको प्रथम राष्ट्रिय सम्मेलनबाट केन्द्रिय अध्यक्ष हुनुभएकोमा महासंघले बधाई तथा शुभकामना प्रदान गर्दै सम्मान गरेको हो । मुक्तान गैरसरकारी सस्था नेपाल काभ्रेका निवर्तमान जिल्ला सचीव हुनुहुन्छ । कार्यक्रममा गैर सरकारी सस्था महासंघ नेपाल काभ्रेका अध्यक्ष गंगा दोङ, सचीव सुमन खड्का, कोषाध्यक्ष रमेश गौतम निवर्तमान अध्यक्ष टोम प्रसाद सापकोटा, सदस्य सुनिता तामाङ लगाएतको उपस्थिति रहेको थियो ।
लामो समय शिक्षा तथा बालबालिकाको क्षेत्रमा काम गर्दै आउनुभएका मुक्तानलाई सामुदायिक बिद्यालय ब्यवस्थापन समिति महासंघको केन्द्रिय अध्यक्ष भए पश्चात् विभिन्न संघ सस्थाहरुले सम्मान गर्दै आएको छ । गुणराज मुक्तान नाङ्शाल एसोसिएसन नेपालका अध्यक्ष समेत हुनुहुन्छ ।
