काभ्रे,
नमोबुद्ध नगरपालिका वडा नम्बर ४ पदाली जंगलमा भीषण आगलागी भएको छ । आज दिउँसो करिब ४ बजेबाट आगलागी सुरु भएको स्थानीयबासीहरुले बताएका छन् । अहिलेसम्म डेढसय रोपनी जग्गामा आगलागी फैलिसकेको वडा नं ४ का कार्यवाहक वडाध्यक्ष सुरेन्द्र चिमौरियाले जानकारी दिनुभएको छ । आगलागी नियन्त्रण गर्न स्थानीयबासीहरु जुटिरहेका छन् । आगलागी नियन्त्रण बाहिर रहेको छ । डडेलोले खानेपानीको पाइर्पहरुमा क्षति पुराउने अवस्था आएको छ । दिउँसो आगलागी नियन्त्रणका लागि प्रहरी परिचालन भएपनि अहिले स्थानीय मात्रै आगलागी नियन्त्रण प्रयासमा रहेको वडा कार्यवाहक अध्यक्ष चिमौरियाले जानकारी दिनुभएको छ ।
