काभ्रे,
आजदेखि काभ्रेपलान्चोक जिल्लामा चल्ने मालबाहक सवारीसाधनलाई लोड सिट अनिवार्य गरीएको छ । बैशाख ४ गते धुलिखेलमा बसेको सर्वपक्षीय बैठकले आजदेखि तौल पुल पुन सञ्चालनमा ल्याउने निर्णय गरेको थियो । सोही अनुसार प्रशासनले सबै प्रकारका भारबहान सवारी साधनलाई आफ्नो सवारी साधनको क्षमता तौल्न अनुरोध गरेको छ । अन्यथा कानुन बमोजिम कारबाही गर्ने प्रशासनले चेतावनी दिएको छ । काभ्रेपलाञ्चोक जिल्लामा सबै भन्दा बढी बागमती टिपर ब्यवसायी संघ, कलंकी टिपर ब्यवसायी र सेल्फ इम्प्लोयमेन्ट ट्रान्सपोर्ट प्रालि अन्तर्गतका टिपर सञ्चालनमा छन् ।
