काभ्रे,
रोशी गाउँपालिका स्तरीय फुल कन्ट्याक्ट कराँते दोस्रो रोशी कप–२०८० रोशी–६,सिपालीमा सम्पन्न भएको छ । खेलकूद प्रतियोगिता रोशी गाउँपालिकाको आर्थिक सहयोग र इन्टरनेशनल कराँते अर्गनाइजेशन क्योकोसिन काईकान एसोशिएसन नेपाल अन्तर्गत सोसाई मासुतात्सु ओयामा कराँते क्योकोसिन काभ्रेद्धारा आयोजना गरिएको हो । उक्त प्रतियोगितामा पुरुष ३० के. जी. तर्फ प्रथम विशाल तामाङ्ग, द्धितीय राजेश बि. क. र तृतीय रिदम ठाडा मगर भएका छन् भने उत्कृष्ट फाइटर विशाल थिङ्ग भएका छन् । पुरुष ३५ के.जी. तर्फ प्रथम निर बहादुर श्रेष्ठ, द्धितीय आयुष चौलागाई र तृतीय गौरव तामाङ्ग भएका छन् भने उत्कृष्ट फाइटर अशोक लामा भएको छ । पुरुष ४० के.जी. तर्फ प्रथम सविन तामाङ्ग, द्धितीय प्रतिक पुलामी र तृतीय अनिस तामाङ्ग भएका छन् भने उत्कृष्ट फाइटर लोेकेश श्रेष्ठ भएका छन् ।
त्यसैगरी,पुरुष ४५ के.जी. तर्फ प्रथम निश्चल रखाल, द्धितीय रविन तामाङ्ग र तृतीय सम्तेन लामा भएका छन् भने उत्कृष्ट फाइटर पवन बि. क. भएका छन् । पुरुष ५० के.जी. तर्फ प्रथम बिशाल तोलाङ्गगे, द्धितीय सुदिप तामाङ्ग र तृतीय विबेक बल भएका छन् भने उत्कृष्ट फाइटर निश्चल मैनाली भएका छन् भने पुरुष ५५ के.जी. तर्फ प्रथम रुपेश श्रेष्ठ, द्धितीय आदित्य लामा र तृतीय दिप मैनाली भएका छन् भने उत्कृष्ट फाइटर मिन तामाङ्ग भएका छन् ।
त्यसैगरी महिला ४० के.जी. तर्फ प्रथम रोजिना मगर, द्धितीय बुद्ध लक्ष्मी लामा र तृतीय युनिशा तामाङ्ग भएका छन् भने सुस्मिता सुर्खेती उत्कृष्ट फाइटर भएकी छिन् । महिला ४५ के.जी. तर्फ प्रथम सम्झना तामाङ्ग, द्धितीय बिपना तामाङ्ग र तृतीय सिमन उप्रेती भएका छन् भने उत्कृष्ट फाइटर सबिना गोले , महिला ५० के.जी. तर्फ प्रथम जेनिशा तामाङ्ग, द्धितीय कान्छी माया तामाङ्ग र तृतीय नबिना पुलामी भएका छन् भने उत्कृष्ट फाइटर रेश्मा बि. क. ,महिला ५५ के.जी. तर्फ प्रथम अञ्जली तामाङ्ग, द्धितीय जालमाया तामाङ्ग र तृतीय रोशनी तामाङ्ग भएका छन् भने उत्कृष्ट फाइटर निशा लामा भएकी छिन् ।
प्रतियोगिताको समापन कार्यक्रमको प्रमुख अतिथि रोशि गाउँपालिका अध्यक्ष दिनेश लामा, अतिथिहरु रोशी गाउँपालिका वडा नं. १२ का वडा अध्यक्ष तथा प्रवक्ता बसन्त कुमार तामाङ्ग, वडा नंं. ६ का वडा अध्यक्ष नारायण बहादुर शिवाकोटी, हिमालय मा. वि. का प्र.अ. नारायण दत्त भट्ट लगायतको उपस्थिती रहेको थियो । प्रमुख अतिथि दिनेश लामाले प्रथम, द्धितीय र तृतीय हुने खेलाडीहरुलाई सम्मान तथा पुरस्कार वितरण गर्नु भएको थियो । समापन कार्यक्रममा बोल्नु हुँदै लामाले खेलाडीहरु रोशीको मात्रै गहना नभई राष्ट्र कै गहना भएको हुनाले आगामी दिनहरुमा गाउँपालिकाले गर्नु पर्ने र खेल्नु पर्ने भूमिका सदैव सकारात्मक रहने बताउदै सम्पूर्ण खेलाडीहरुलाई बधाई तथा शुभकामना दिनु भएको थियो । नेल्शन लामाको सभापतित्वमा सम्पन्न समापन कार्यक्रममा रोशी गाउँपालिका भरीका करिब १५० जना खेलाडीहरु सहभागी भएका थिए ।
