रोशी सहकर्मी–चैत्र २४,
२०७६,काभ्रे/

जिल्लाको महाभारत गाउपालिकामा कोरोना भाईरस (कोभिड(१९ ) को रोकथामका निमित्त ३५ बेडको क्वारेन्टाईन निर्माण गरेको छ । गाउँपालिका अध्यक्ष कान्छालाल जिम्बाका अनुसार उच्च जोखिम वा शंस्कास्पद व्यक्तिहरुको लागि स्थानीय साधन स्रोतको अधिक्तम प्रयोग गर्दै उक्त क्वारेन्टाईन निर्माण गरेको बताए ।

उनका अनुसार महासिद्धि प्रा.वि.भवन एकिकरण पश्चात खाली भएकाले ८ बेडको क्वारेन्टाईन तयार गरिएको छ भने वडा नम्वर ५ को वडा कार्यालयमा ६ बेड, पुरानो गाउँपालिकाको भबनमा ७ बेड, घर्तिछाप स्वास्थ्य चौकीमा ४ बेड, भैरव मा.बि.को भबन धापमा ६ बेड र बाल उज्ज्वल प्रा.बि. मा ४ बेड गरि ३५ बेडको क्वारेन्टाई निर्माण भएको हो ।

क्वारेन्टाईनमा रहने ब्यक्तिहरुका लागि गुणस्तरीय खाना, स्वास्थ्य जाँच, सुरक्षा, व्यक्तिगत सरसफाईको किटबक्स सामान निशुल्क वितरणको व्यवस्था गरिएको छ ।
महाभारत गाउँपालिकाले नागरिकहरुलाई कोरोना रोकथाम, नियन्त्रण र व्यवस्थापनका बारेमा जानकारी गराउँदै सचेतनामुलक कार्यक्रम गरिरहेको बताए । अध्यक्ष जिम्बाले घरमै बसौ, सुरक्षित हौ, आफू बचौ, अरुलाई पनि बचाऔ भन्ने अभियानका साथ नागरिकहरुलाई भिडभाड नगर्न र त्यस्तो भिडभाडमा नजान अनुरोध गरेका छन् ।

Facebook Comments