सांकेतिक तस्विर

रेडियो रोशी–असोज ०४,
जिल्लाको रोशीगाँउपालीकामा अपागंता परिचय पत्र वितरण हुने भएको छ । हिजो (कार्तिक ३) बसेको अपाङ्गता परिचय पत्र वितरण समन्वय समितिको बैठक तथा छलफल बाट यस्तो निर्णय भएको हो । यस कार्यमा रोशी गाउँपालिका महिला तथा बालबालिका शाखा र नाङशाल एशोसियसनको सहकार्यमा अपाङ्गता परिचय पत्र वितरण हुने छ ।
बैठकले कुन वडामा कहिले र काहाँ वितरण हुने भन्ने पनि तोकेको छ । वडा नं. १२ को घैयाडाँडा शिखरपुरमा कार्तिक २० गते, वडा नं. ११ को पौवामा कार्तिक २१ गते, वडा नं. १० को वडा कार्यालयमा कार्तिक २२ गते, वडा नं. ९ को मगंलटारमा कार्तिक २३ गते, वडा नं. ८ को वडा कार्यालयमा कार्तिक २४ गते, वडा नं. ७ को कटुञ्जे वडा कार्यालयमा कार्तिक २५ गते, वडा नं. ६ को सुघुँरे डाँडामा कार्तिक २६ गते, वडा नं. ५ को ढोकर्पामा कार्तिक २७ गते, वडा नं. ४ को वडा कार्यालयमा कार्तिक २८ गते, वडा नं. ३ को वडा कार्यालयमा कार्तिक २९ गते, वडा नं. २ को मानेभन्ज्यागंमा कार्तिक ३० गते र वडा नं. १ को फलामे साँघुमा मंसिर १ गते विहान १० देखि ४ बजेसम्म हुने महिला तथा बालबालिका कार्यालय, काभ्रेले जनाएको छ ।
अपाङ्गता परिचय पत्रका लागि सम्बन्धित वडा कार्यालयको सिफारिस, पासपोर्ट साईजको फोटो ३ प्रति तथा अपांगता झल्किने पुरा शरिरको फोटो १ प्रति, जन्मदर्ता र नागरिकताको फोटोकपि १ प्रति आवश्यक पर्ने छ । पुराना कार्ड भएका व्यक्तिले सोहि कार्ड सहित नयाँ कार्ड वितरण भएको स्थानमा नविकरण गराउनु पर्नेछ । यदि २०७६ मंसिर सम्ममा नयाँ पुराना कार्ड नबनाएमा अपांग भत्ता नपाईने कार्यालयले जनाएको छ ।

Facebook Comments