काभ्रे,
पाँचखाल नगरपालिकामा हिजो रातिदेखि आज विहानसम्म परेको पानीसंगै आएको बाढीले सयौँ हेक्टर जमिनमा लगाइएको खेती बालीमा क्षति पुगेको छ । वडा नम्बर १ अनैकोट क्षेत्रमा परेको पानीले तल्लो फाँटमा बाढीको रुप लिँदा किसानले क्षति ब्यहोरेका हुन् । तल्लो फाँटका कयौँ रोपनी क्षेत्रफल जमिनमा किसानले लगाएको बालीमा क्षति पुगेको बताइएको छ । पाँचखालको फाँटमा अहिले मकै, गोलभेडा, सिमी, बोडी, काक्रो लगायतका बाली रहेका छन् ।
बाढीले खेती बालीमा क्षति पुर्याएसँगै क्षतिको विवरण संकलनको काम अघि बढेको छ । बाढीका कारण सबैभन्दा बढी वडा नम्बर २, ३ र ४ मा ढोडखोला आसपासको क्षति पुगेको छ । कृषि शाखाका ज्ञानेन्द्र दाहालले बाढीले पुर्याएको क्षतिको विवरण संकलन गर्ने काम प्रारम्भ गरिसकेको जानकारी दिनुभयो ।
