रोशी सहकर्मी–चैत्र ३०,
२०७६,कटुन्जेबेशी/

रोशी गाउँपालिकाले विदेशबाट आएर घर मै एकान्तबास बसिरहेकाको ¥यापिड डाइग्नोष्टिक टेष्ट (आरडिटी) सुरु गरेको छ ।
रोशी गाउँपालिकाका अध्यक्ष डीबी लामाले आरडिटी परीक्षण सुरु गरेको जानकारी दिनुभयो । रोशीमा ११ देशबाट २४ जना आएका मध्ये चैतको मध्यसम्ममा आएका १७ जनाको मात्र परीक्षण गर्न लागेको लामाले जानकारी दिनुभयो ।

यस्तै जिल्लाको पनौती नगरपालिकाले पनि आजबाट आरडिटि परिक्षण सुरु गरेको जनाएको छ ।

जिल्लाका १३ वटै स्थानीय तहका स्वास्थ्यकर्मी मार्फत विदेशबाट आएकाहरुको ¥यापिड डाइग्नोष्टिक टेष्ट (आरडिटी) सुरु गरिएको स्वास्थ्य कार्यालय काभ्रेपलाञ्चोकले जनाएको छ ।

स्वास्थ्य कार्यालय काभ्रेपलाञ्चोकका प्रमुख डा. नरेन्द्रकुमार झाले आरडिटी टेष्टका लागि पनौती नगरपालिका, नमोबुद्ध नगरपालिका, रोशी, महाभारत र बेथानचोक गाउँपालिकाले किट लगेको जानकारी दिनुभयो । त्यस्तै धुलिखेल, बनेपा, पाँचखाल, मण्डनदेउपुर नगरपालिका र तेमाल, चौँरीदेउराली र भुम्लु गाउँपालिका पनि सुरु गरिने जानकारी दिनुभयो ।

झाले केही दिनभित्र मै १३ वटै स्थानीय तहमा विदेशबाट आएको परीक्षण सक्ने छौँ, भन्नुभयो ।
फागुन ३० गतेदेखी हालसम्म २५१ जना विदेशबाट काभ्रेमा आएको तथ्याङ्क स्थानीय तहले जिल्ला प्रशासन कार्यालयमा जानकारी गराएका छन । जिल्लामा ३०० आरडिटी किट उपलब्ध भएको झाले जानकारी दिनुभयो ।

Facebook Comments Box