काभ्रे,
१६ औं गणतन्त्र दिवसको अवसरमा हिजो (सोमबार) काभ्रे जिल्लामा रहेका शहीद परिवारलाई सम्मान गरिएको छ । जिल्ला समन्वय समिति काभ्रेका प्रमुख दीपककुमार गौतम संयोजक रहेको मूल समारोह समितिले शहीद परिवारलाई सम्मान गरेको हो । जिल्ला समन्वय समिति काभ्रेका प्रमुख दिपक कुमार गौतमले जिल्लामा भएका सबै खालका शहीदहरूको सम्मानको शुरुवात गरिएकाले जिल्लामा साझा शहीद पार्क निर्माण गरी शहीदहरूको प्रतिमा निर्माण गर्ने प्रक्रिया सुरु गरिने बताउनुभएको छ । उँहाले सहिदका सपना साकार पार्न आफु सहिद परिवारकै सदस्य जस्तो भएर काम गर्ने प्रतिबद्धता समेत व्यक्त गर्नुभयो ।
नेपाल पत्रकार महासंघ काभ्रेका पूर्व अध्यक्ष एवं मानवअधिकारकर्मी भोजराज तिमल्सिनाले जिल्लामा लोकतान्त्रिक आन्दोलनमा ५ जना, प्रजातान्त्रिक आन्दोलनमा ६ जना, सशस्त्र द्वन्द्वमा २ सय ७८ जना र निर्वाचनका क्रममा १ जना गरी ३६ महिला र २ सय ५४ गरी २ सय ९० जना शहीद भएको बताउाुभएको छ । गणतन्त्र स्थापना भएको लामो समय भईसक्दा पनि सहिद परिवारलाई सम्मान गर्ने यस्तो कार्यक्रम पहिलो पटक आयोजना भएको भन्दै शहीद परिवार, राजनीतिक दल र संघ संस्थाका प्रतिनिधिहरुले धन्यवाद व्यक्त गरेका थिए ।
