काभ्रे,
चालु आर्थिक वर्षको ११ महिनामा जिल्ला अदालत काभ्रेबाट ६० प्रतिशत मुद्दा फछ्र्यौट भएका छन् । गत वर्षबाट जिम्मेवारी सरेको १ हजार ५५५ र यस वर्ष दर्ता भएका १ हजार ६३५ गरी जम्मा ३ हजार १९० मुद्दा मध्ये १ हजार ९१५ अर्थात ६० प्रतिशत मुद्दा फर्छ्यौट भएको छ । २०८० को असार मसान्त सम्म २ वर्ष नाघ्ने ४६५ वटा मुद्दा मध्ये ३९५ मुद्दा फर्छ्यौट भई अब २ वर्ष नाघेका मुद्दा ७० थान मुद्दा मात्र बाँकी रहेको अदालतले जनाएको छ । ७० थान मुद्दा पनि सरोकारवाला निकायको साथ र सहयोगमा शुन्यमा झार्ने रणनीतिका साथ जिल्ला अदालत क्रियाशिल रहेको जिल्ला अदालतका स्रेस्तेदार गोविन्द प्रसाद घिमिरेले बताउनुभयो ।
