काभ्रे,
रोशी गाउँपालिकाको बाहौं कार्यपालिका बैठक गाउँपालिका अध्यक्ष दिनेश लामाको अध्यक्षतामा सम्पन्न भएको छ । वैठकमा रोशी गाउँपालिकाको यातायात गुरुयोजना, २०८० को अन्तिम प्रतिवेदन माथि छलफल गरिएको छ । उक्त गुरुयोजना सवै वडाहरुबाट सुझाव प्राप्त भए पश्चात आगामी कार्यपालिका बैठकमा स्विकृतार्थ पेश गर्ने निर्णय गरिएको छ । वैठकले रोशी गाउँपालिका वडा नं ३, ४ र ५ मा पर्ने सनी खोला र वडा नं ११ र १२ मा पर्ने माम्ती खोलाको वगर क्षेत्रवाट ढुङ्गा गिट्टी तथा वालुवा संकलन तथा उत्खननको लागि इनिग्मा डिजाइन्स प्रा।लि, काठमाडौले पेश गरेको प्रारम्भिक वातावरणीय परिक्षण प्रतिवेदन स्विकृत गर्ने निर्णय गरिएको छ ।
उक्त वैठकले रोशी गाउँपालिकाको भू वर्गिकरणको सम्वन्धमा भू(उपयोग ऐन, २०७६ र भू(उपयोग नियमावलि, २०७९ को मापदण्ड तथा आधारहरुमा जग्गा वर्गिकरणको कार्य सम्पन्न भएकोमा सो वर्गिकरणको आधारमा बनेको भू(उपयोग नक्सा अध्यावधिक गर्न गाउँपालिका स्तरीय भू(उपयोग परिषद् र नापी विभागमा पत्राचार गर्ने निर्णय लगायतका महत्वपूर्ण निर्णय गरिएको छ । साथै वैठकले आ. ब. २०८०।०८१ को वार्षिक नीति, कार्यक्रम तथा बजेट तर्जुमाको लागि समेत कार्यतालिका स्विकृत गर्ने निर्णय गरिएको जानकारी सूचना अधिकारी प्रकाश पौडेलले जानकारी दिनुभएको छ ।
