काभ्रे,
काभ्रेको बनेपामा असोज ३ देखि १५ गतेसम्म पाँचौँ काभ्रे महोत्सव हुने भएको छ । काभ्रे उद्योग वाणिज्य संघको आयोजनामा बनेपाको उग्रेश्वर मन्दिर परिसरमा “व्यावसायिक लगानी अभिवृद्धि, काभ्रेको समुन्नति र समृद्धि” भन्ने मूल नाराका साथ नेपालीहरुको महानपर्व वडादशैको पावन अवसरमा काभ्रेपलाञ्चोकको परम्परागत कला सस्कृति, औद्योगीक व्यापार, घरेलु, कृषि, पर्यटन प्रर्वद्धनको निमित्त काभ्रे महोत्सव २०७९ आयोजना गर्न लागिएको काभ्रे उद्योग वाणिज्य संघका अध्यक्ष राजेन्द्र पसछेँले पत्रकार सम्मेलनमार्फत जानकारी दिनुभयो । महोत्सवमा मानवीय दैनिक जीवनमा प्रयोगमा आउने दैनिक उपभोग्य सामाग्रीहरु,कृषि, घरेलु उद्योग, विभिन्न प्रकारका लत्ता कपडाहरु,खाद्यान्न,अटोमोबाईल,जुत्ताहरु,कृषि तथा हस्तकलाका सामाग्रीहरु,कृषि औजारका सामाग्रीहरुको स्टलहरु राखिनेछन् ।
महोत्सवमा गायक प्रमोद खरेल, ज्योति मगर, रोज मोक्तान, बद्रि पंगेनी, पशुपति शर्मा, रचना रिमालदेखि मनोज गजुरेलसम्मका चर्चित कलाकारहरुको प्रस्तुति रहने बताईएको छ । मनोरञ्जनका लागी महोत्सवमा बाल उद्यान,रोटे पिङ,ड्रागन,नाउ,मिनि बञ्जी जम्प,वाटर बल्ब,मिकि माउस,टेम्पोलिङग,स्करपियोको लगायतका मनोरञ्जनका सामग्रि रहने छन् । वृद्ध वृद्धाहरुको लागी निःशुल्क प्रवेशको व्यवस्था गरिएको छ, विद्याथीहरुलाई रु ५० र अन्य सर्वसाधारणलाई रु १०० प्रवेश शुल्क निर्धारण गरिएको आयोजकले पत्रकार सम्मेलनमार्फत जानकारी गराएको छ ।
