रोशी गाउँपालिका स्थित मंगलटार स्वास्थ्यचौकीमा महिला तथा प्रजनन स्वास्थ्य सम्बन्धि निःशुल्क शिविर सम्पन्न

रोशी गाउँपालिका स्थित मंगलटार स्वास्थ्यचौकीमा महिला तथा प्रजनन स्वास्थ्य सम्बन्धि निःशुल्क शिविर सम्पन्न भएको छ । गाउँपालिकाको आयोजनामा महिला तथा प्रजनन स्वास्थ्य सम्बन्धि निःशुल्क शिविर भएको हो । मंगलटार स्वास्थ्यचौकीमा सञ्चालन भएको शिविरमा १४० जना महिलाहरु लाभान्वित भएकोमा ११० जनाको पाठेघरको मुखको क्यान्सर परिक्षण गरिनुका साथै ४ जना महिलाहरुमा पाठेघरको मुखको क्यान्सर परिक्षणमा पोजिटिभ देखिएका छन् । क्यान्सर सोसाईटी नेपालको प्राविधिक सहयोगमा सम्पन्न भएको एक दिवसीय शिविरमा प्रजनन स्वास्थ्य सम्बन्धि समस्या भएका महिलाहरुको स्वास्थ्य परीक्षण गरिएको थियो । उक्त शिविरमा निःशुल्क महिला तथा प्रजनन स्वास्थ्य सेवाको साथै परामर्श सेवा समेत उपलब्ध गरिएको मंगलटार स्वास्थ्यचौकी प्रमुख निशा बरालले जानकारी दिनु भएको छ । उक्त शिविरमा रोशी गाउँपालिकाको अध्यक्ष दिनेश लामा, प्रमुख प्रशासकीय अधिकृत राम बहादुर तामाङ , वडा नं। ९ को वडा अध्यक्ष जनम लामा लगायतको उपस्थिति रहेको थियो।