रोशी सहकर्मी–बैशाख १३,
२०७७,काभ्रे/

जिल्लाको विकट खानीखोला गाउँपालिका वडा नं ४ फुलडाँडामा माटोको ढिस्कोले पुरिएर घाईते भएकी दुई दिदि बहिनिलाई खुसी समाज युवा क्लवले आर्थिक सहयोग गरेको छ । घाइते दिदीबहिनीलाई क्लवले एक लाख बीस हजार आर्थिक सहयोग गरेको हो ।

यहि बैशाख ५ गते घर पोत्ने माटो लिन गएका एकै परिवारका चार सदस्यलाई माटोको ढिस्कोले पुरेको थियो । ढिस्कोले पुरीएर ३ जना गम्भिर घाईते भएका थिए । उनिहरु मध्ये २४ बर्षीय अरिना गोलेको भने मृत्यु भईसकेको छ ।

ढिस्कोले पुरिएर घाईते भएकी एरिना र सनिसाको धुलिखेल अस्पतालमा उपचार भइरहेको छ भने एलिसा गोले उपचारपछि घर फर्किसकेकि छन् ।
आर्थिक अवस्था कम्जोर रहेको भन्ने खबर प्राप्त भएपस्चात विभिन्न देशमा रहेको क्लवका विदेश विभागका सदस्यहरुले सहयोगार्थ संकलन गरि नेपाल पठाएका थिए । सोहि रकम क्लवको अध्यक्ष इकमान लामा र सल्लाहकार राम बहादुर गोले अस्पतालमा नै पुगेर घाईतेका बुबा धन बहादुर गोलेलाई हस्तान्तरण गरेका हुन् ।

Facebook Comments