यश कुमार परियार–बैशाख ३१,
२०७७,काभ्रे/

जिल्लाको धुलिखेल अस्पतालमा गरिएको कोरोना भाईरस (कोभिड–१९) परिक्षणबाट एक जनामा संक्रमण भएको पुष्ठि भएको छ ।

धुलिखेल अस्पतालको प्रयोगशालामा गरिएको परिक्षणमा एक जनामा कोरोना संक्रमण देखिएको स्वास्थ्य तथा जनसंख्या मन्त्रालयका सहप्रवक्ता समिरकुमार अधिकारीले विज्ञप्ति मार्फत जानकारी दिए ।

कोरोना देखिनेमा बाँके जिल्ला नेपालगंज वडा नं ८ निवासी ३६ वर्षिय पुरुष छन् । हाल उनको स्वास्थ्य अवस्था सामान्य रहेको मन्त्रालयले जनाएको छ ।

धुलिखेल अस्पतालले राष्ट्रिय जनस्वास्थ्य प्रयोशाला टेकुबाट स्वाब बुझि परिक्षण गर्दै आएको थियो ।

यसैबिच कपिलवस्तुमा पनि एक कोरोना संक्रमित भेटिएका छन् । स्वास्थ्य तथा जनसंख्या मन्त्रालयका अनुसार कपिलवस्तु नगरपालिका– ५ का २२ वर्षका युवकमा कोरोना संक्रमण भेटिएको हो ।

यो सँगै नेपालमा कोरोना संक्रमितको संख्या २१९ पुगेको छ ।

Facebook Comments