काभ्रे,
सरकारले आज भूकम्प प्रभावितका लागि विशेष कार्यक्रमको घोषणा गर्ने भएको छ । भूकम्प प्रभावितको पुनस्र्थापना र राहतका लागि सरकारले आज विशेष कार्यक्रमको घोषणा गर्न लागेको हो । जाजरकोट र रुकुम पश्चिमको अवलोकनपछि प्रधानमन्त्री पुष्पकमल दाहाल प्रचण्डले बोलाउनुभएको मन्त्रीपरिषद् बैठक प्रधानमन्त्री तथा मन्त्रिपरिषद्को कार्यालय सिंहदरवारमा अहिले बसिरहेको छ ।
बैठकबाट पुनर्निमाण केन्द्रित कार्यक्रम घोषणको तयारी सरकारले गरेको प्रधानमन्त्रीका प्रेस सल्लाहकार गोबिन्द आचार्यले जानकारी दिनुभयो । हिजो प्रभावित क्षेत्रको भ्रमण गरेर आउनुभएका प्रधानमन्त्री दाहालले आज विशेष कार्यक्रम घोषणा गर्ने बताउनुभएको थियो ।
