काभ्रे,रेडियो रोशी,
नमोबुद्ध नगरपालिका वडा नं ७ भकुण्डेबेशी स्थित रङ पसलमा आगलागी हुँदा १ करोड भन्दा बढिको क्षति भएको छ । हिजो राती ११ बजेर ४० मिनेटको समयमा अचानक बिद्युत सर्ट भई आगलागि भएको हो । आगलागीबाट १ करोड भन्दा बढिको क्षति भएको प्रारम्भिक अनुमान गरिएको छ ।
भकुण्डेबेशी माथिल्लो चोकमा रहेको गोबिन्द अधिकारीको घरमा नमोबुद्ध–२ बुच्चाकोटका महेस आचार्यले सञ्चालन गर्दै आउनुभएको रङ पसलमा आगलागी भएको हो । आगलागीबाट पसलमा रहेका सम्पुर्ण सामानहरु जलेर नष्ट भएका छन् । आगलागीको खबर प्राप्त हुनासाथ भद्रदल गण भकुण्डेबेशीबाट नेपाली सेना, प्रहरी, नमोबुद्ध नगरपालिकाको दमकल, स्थानीयहरु लगायतको सहयोगमा १ घन्टापछि आगलागी नियन्त्रणमा आएको थियो ।
