काभ्रे,
वी.पी. कोइरालाको ४१ औं स्मृति दिवसको अवसरमा भोलि नेपाली कांग्रेस रोशी गाउँपालिका कार्यसमितिले वृक्षारोपण कार्यक्रम आयोजना गर्ने भएको छ । नेपाली कांग्रेस रोशी गाउँपालिका कार्यसमिति काभ्रेपलाञ्चोकको आयोजनामा भोलि बिहान ८ बजे रोशी गाउँपालिका ९ मंगलटारमा वृक्षारोपण गरेर जननायक वी.पी. कोइरालाको ४१ औं स्मृति दिवस मनाउन लागिएको हो । नेपाली कांग्रेस रोशी गाउँपालिका कार्यसमितिले वृक्षारोपणमा सहभागि हुन सम्पुर्णमा अनुरोध समेत गरेको छ ।
यसअघि नेपाली कांग्रेसले नेपाली प्रजातान्त्रिक आन्दोलनका योद्दा जननायक बि. पि. कोइरालाको ४१ औं स्मृति दिवसका अवसरमा भोलि देशभरिका ७५३ वटै तहमा रुख रोप्ने अभियान अनुसार सबै काङ्ग्रेस निकट सम्पुर्ण संघ सस्था , सुभेच्छुक संस्था , प्रदेश ,पालिका , वार्ड तहका कार्यसमितीका सबै लाइ बृक्षारोपण कार्यमा सहभागी हुन र सहभागी गराउन जिल्ला कार्यसमितिहरुलाइ निर्देशन दिएको थियो । महामन्त्री गगन थापा द्वारा हस्ताक्षरित आज (श्रावण ३ गते) को पत्र अनुसार नेपाली काङ्ग्रेसले यस्तो निर्देशन दिएको हो । पत्रमा रोपिएका रुख बिरुवाहरुको उचित संरक्षणमा लाग्न पनि निर्देशन दिईएको छ ।
