काभ्रे,
नेपाली कामदारलाई कोरिया नलैजाने भनेर सामाजिक सञ्जालमा नक्कली सूचना जारी गर्नेलाई ईपीएस कोरिया शाखाले कारबाहीको माग गरेको छ । शाखाका शाखा अधिकृत शोभाकर भण्डारीले गलत सूचना जारी गर्नेलाई विद्युतीय कारोवार ऐन २०६३ तथा नियमावली २०६४ बमोजिम साईवर अपराधमा हदैसम्मको सजायको माग गरिएको जानकारी दिनुभयो ।
ईपीएस कोरिया शाखाको लेटरप्याडमा तत्काल नेपालबाट कुनै पनि कामदार कोरिया नलगिने भनि जारी भएको सूचना पूर्णत गलत भएकाले भ्रम छर्नेलाई कारबाहीको माग गर्दै ईपीएस शाखाले प्रहरीको साईवर ब्यूरोमा उजुरी गरेको हो । शाखाले कुनै पनि आधिकारिक सूचाका लागि ईपीएस कोरिया शाखाको वेभसाइट तथा राष्ट्रियस्तरको दैनिक पत्रिकामा प्रकाशित सूचना मात्रै हेर्नसमेत अनुरोध गरेको छ ।
