काभ्रे, रेडियो रोशी,
काभ्रे जिल्लाको रोशी गाउँपालिका र धुलिखेल नगरपालिकाले गुणस्तरीय शिक्षाका लागि UNITE कार्यक्रम सञ्चालन गर्ने भएका छन् । जिल्लाको १३ वटा स्थानीय तहमध्ये रोशी र धुलिखेलमा गुणस्तरीय शिक्षाका लागि पालिका प्रमुखहरुले UNITE कार्यक्रम सञ्चालनको लागि सहमतीपत्रमा हस्ताक्षर गरेका छन् ।
जिल्लाका दुई स्थानीय तह रोशी गाउँपालिका र धुलिखेल नगरपालिका र बीच १३ बुँदामा सहकार्य गर्ने सहमति भएको छ ।धुलिखेल नगरपालिकामा आज एक कार्यक्रमका बिच रोशी गाउँपालिकाका अध्यक्ष दिनेश लामा, धुलिखेल नगरपालिका प्रमुख अशोक ब्याञ्जु, नेपाल राष्ट्रिय शिक्षक संगठनका अध्यक्ष विष्णुप्रसाद भण्डारी, नेपाल शिक्षक संघका अध्यक्ष सोमनाथ गिरी, संस्थागत विद्यालय शिक्षक युनियनका अध्यक्ष होमकुमार थापाले सहमति पत्रमा हस्ताक्षर गरेका छन् ।
आज सहमतीपत्रमा हस्ताक्षर भैसकेकाले ढिला नगरी पालिकामा यो कार्यक्रम सञ्चालन गरीने रोशी गाउँपालिकाको अध्यक्ष दिनेस लामाले रेडियो रोशीलाई जानकारी दिनुभयो । ‘काभ्रे जिल्लाको १३ वटा स्थानीय तहमध्ये रोशी र धुलिखेलमा मात्र यो कार्यक्रम सञ्चालन हुन लागेको छ, त्यसको लागी आज ईन्टरनेसनल एजुकेसन सस्थासंग सहमतीपत्रमा हस्ताक्षर गरेका छौ’ अध्यक्ष लामाले भन्नुभयो ।
गुणस्तरीय शिक्षा प्राप्तिका लागि UNITE कार्यक्रम अत्यन्तै महत्वपुर्ण पक्ष हो । यो कार्यक्रमले समुदायस्तरमा पुगेर गुणस्तरीय शिक्षा प्राप्त गर्न सरोकारवाला ब्यक्तिहरुसँग छलफल , शिक्षकहरुसँग छलफल एवम् सम्बाद गर्ने गर्दछ ।
कार्यक्रम संचालन भएपश्चात नेपाल शिक्षक संगठनका केन्द्रिय उपमहासचिव तथा प्रवक्ता नारन प्रसाद तिमिल्सिनाले सहजिकरण गर्नुहुने रोशी गाउँपालिका अध्यक्ष दिनेस लामाले जानकारी दिनुभयो ।
कार्यक्रममा शिक्षक सँघका केन्द्रिय अध्यक्ष सोमनाथ गिरी, नेपाल राष्ट्रिय शिक्षक संगठनका केन्द्रिय अध्यक्ष बिष्णुप्रसाद भन्डारी, सँस्थागत बिद्यालय शिक्षक युनियनका केन्द्रिय अध्यक्ष होम कुमार थापा लगायतको सहभागिता रहेको थियो ।
