काभ्रे,
प्रथम जननिर्वाचित प्रधानमन्त्री तथा नेपाली काँग्रेसका संस्थापक नेता विश्वेश्वरप्रसाद कोइरालाको १ सय १० औँ जन्मजयन्तीका अवसरमा आजदेखि ललितपुरमा बीपी साहित्य महोत्सव सुरु हुँदैछ । महोत्सवको पहिलो दिन आज बिहान १० बजे प्रजातन्त्रका लागि भएको हवाईजहाज अपहरणको वृत्तचित्र देखाइने छ । ११ बजे काँग्रेस सभापति शेरबहादुर देउवाले महोत्सवको उद्घाटन गर्नुहुने महोत्सव तयारी समितिले जानकारी दिएको छ ।
नेपाली काँग्रेसको आयोजनामा ललितपुरको सानेपास्थित बिपी स्मृति भवनमा तीनदिनसम्म महोत्सव चल्ने महामन्त्री गगन थापाले बताउनुभयो ।
