यश कुमार परियार–असार १९,
२०७७,काभ्रे/

वर्तमान अवस्थामा सहकारी संस्थामा संचालनमा देखिएका समस्या र समाधानका उपाय विषयक एक दिने अन्तर्क्रिया कार्यक्रम नमोबुद्ध नगर सभाहलमा सम्पन्न भएको छ । नमोबुद्ध नगरपालिकाको सहयोग र नगर सहकारी समन्वय समितिको आयोजनामा यस एक दिने अन्तर्क्रिया सम्पन्न भएको हो । कार्यक्रममा सहकारी मार्फत आगामी दिनमा के कसरी अघि बड्न सकिन्छ, सहकारीका समस्या, समाधानको विषयमा केन्द्रित भएको थियो ।

कार्यक्रमका प्रमुख अतिथि नगर प्रमुख टि.पि.शर्मा तिमल्सिनाले सहकारीले कृषकको र समग्र नगरको नगरको विकासमा सहयोग गरेको बताए । आगामि दिनमा सहकारीको भुमिका अझ शुद्धिढ हुँदै जाओस् भन्ने शुभकामना दिँदै सहकारीको निमित्त नगरले के कती सथा दिनुपर्ने हो, सोहि अनुसारको काम अघि बढाउने बताए । यसैगरी उनले आगामि आर्थिक वर्षमा नगरले कृषकहरुको जिवनस्तरमा टेवा पुग्ने किसिमको कार्यक्रमहरु ल्याईएको बताउँदै विकासको निमित्त कुनैपनि सम्झौता नगर्ने उनको भनाई थियो ।

कार्यक्रममा विशिष्ठ अतिथि नगर उपप्रमुख राम देवी तामाङ, केन्द्रिय सहकारी बैंकका डाईरेक्टर ज्ञान बहादुर तामाङ, अतिथिहरु सहकारी विज्ञ कुल चन्द्र अधिकारी, जिल्ला सहकारी संघका कोषाध्यक्ष राम कृष्ण अधिकारी, लेखा सदस्य संजिव ढकाल, सदस्य रण बहादुर खनाल, नगर सहकारी शाखा प्रमुख विमल कोईरालाले मन्तव्य राखेका थिए ।
नगरको विभिन्न सहकारीका अध्यक्ष, प्रतिनिधिहरु सहभागी कार्यक्रममा नगर सहकारी समन्वय समितिका संयोजक हरी प्रसाद तिमल्सिनाले सभापतित्व ग्रहण गरेका थिए भने सुदर्शन प्रसाद प्याकुरेलले कार्यक्रम संचालन गरेका थिए ।

Facebook Comments