काभ्रे,
रोशी गाउँपालिकाका अध्यक्ष दिनेश लामाले नेपालमा रहेका जाति समुदायको संस्कार संकृति सबैको साझा भएकाले त्यसलाई जोगाईराख्न पर्ने बताउनुभएको छ । आज धुलिखेल–४ बखुण्डोल स्थित बुद्धपार्कमा २८६० औँ डुग सोनाम ल्होछारको उपलक्ष्यमा आयोजित शुभकामना आदनप्रदान कार्यक्रममा उँहाले यस्तो बताउनुभएको हो । सबै जाति समुदायको संंस्कार, संस्कृति र रीतिरिवाजलाई तीनै तहको सरकारले जगेर्ना गर्नुपर्ने अध्यक्ष लामाको भनाई छ । उँहाले विभिन्न जाति समुदायको संस्कार संस्कृति नेपालीको सम्पती भएकाले त्यसको संरक्षणको जिम्मा सरकारले लिनुपर्ने र लिईरहेको बताउनुभयो । ल्होछार सबैले घर–घरमा धुमधामका साथ मनाउन अध्यक्ष लामाले शुभकामना दिनुभएको छ ।
