रेडियो रोशी,
नमोबुद्ध नगरपालिका वडा नं ७ मा निर्मित दाप्चेखोला देउराली डिप बोरिङ खानेपानी आयोजनाको सफल परीक्षण गरिएको छ । जिल्ला खानेपानी कार्यालय सिन्धुपाल्चोकको प्राविधिक सहयोग एवं नमोबुद्ध नगरपालिका वडा नं ७ को आर्थिक सहयोगमा २०७८ साल मा दाप्चेखोला देउराली डिप बोरिङ खानेपानी आयोजनाको निर्माण सुरु गरीएको थियो । डिप बोरिङ बाट जम्मा भएको पानी संकलनका लागि रजबम पोखरीमा दुई लाख लिटर क्षमताको पानी ट्याङकि निर्माण गरीएको छ । खानेपानीको पाईपलाईन जडानको काम सम्पन्न भईसकेको छ । अब खानेपानी बितरणका लागि घरघरमा धारा जडानको कार्य सम्पन्न भए पश्चात उपभोक्ताहरुका लागि खानेपानी बितरण गरिने दाप्चेखोला देउराली डिप बोरिङ खानेपानी आयोजनाका सचिव कमल कुईकेलले जानकारी दिनुभयो । यस खानेपानी आयोजनाबाट करिव ३१४ घरधुरी लाभान्वित हुँने उँहाले बताउनुभयो ।
खानेपानी परीक्षणमा नमोबुद्ध नगरपालिका वडा नं ७ का वडा अध्यक्ष धर्म सि. लामा , आयोजनाका अध्यक्ष सम्भु प्रसाद खनाल , आयोजनाका उपाध्यक्ष रण बहादुर खनाल , खानेपानी सम्बन्धि अनुभवि कमल मैनाली , खानेपानी कार्यालय धुलिखेलका सब–ईन्जिनियर अर्जुन ढकाल एवं स्थानीय उपभोक्ताहरुको सहभागिता रहेको थियो ।
