काभ्रे,
जिल्ला प्रशासन कार्यालय काभ्रेपलाञ्चोक ८८.४४ अंक सहित कार्यसम्पादन मुल्याङ्कनको ४० औँ नम्बरमा परेको छ । गृह मन्त्रालयले गत आर्थिक वर्ष २०७९÷८० मा भएको कार्यसम्पादन सम्झौता कार्यान्वयनको अवस्था तथा मूल्याङ्कन बमोजिम कामका आधारमा अंक प्रदान गरेको थियो । जस अनुसार ८८.४४ अंक सहित जिल्ला प्रशासन कार्यालय काभ्रे कार्यसम्पादन मुल्याङ्कनको ४० औँ नम्बरमा परेको हो । ९६.४४ अंक सहित गुल्मी जिल्ला पहिलो बनेको छ । जिप्रका काभ्रे ८० देखि ९० अंकसम्म ल्याएर उत्कृष्ठभित्र पर्न सफल भएको छ ।
कार्यसम्पादन मूल्यांकनमा ३३ वटा जिल्ला प्रशासन कार्यालयहरु ९० भन्दा माथि अंक ल्याउँदै ‘अति उत्कृष्ट’ ठहरिएका छन् । ३० वटा प्रशासन कार्यालयहरु ८० देखि ९० अंकसम्म ल्याएर ‘उत्कृष्ट’ ठहरिएका छन् । बाँकी १४ जिल्ला प्रशासन कार्यालयहरु ‘उत्तम’ कार्यसम्पादनको सूचीमा छन् । जिल्ला प्रशासन कार्यालय सिरहा ६१.५६ अंकसहित अन्तिम स्थानमा छ ।
