काभ्रे,
भारतको मुम्बईमा अचानक आएको आँधीका कारण एउटा विशाल होर्डिङ बोर्ड भत्किँदा १४ जनाको मृत्यु भएको छ । दुर्घटनामा परी करिब ७४ जना घाइते भएको अधिकारीहरूले बताएका छन् । ७० मिटर लामो होर्डिङ बोर्ड घर र पेट्रोल स्टेसनमा खसेको थियो । होर्डिङ बोर्ड खसेर सवारी साधन च्यापिएका छन् । घटनास्थलमा उद्धारको काम जारी छ ।
मुम्बई शहरमा वर्षा र धुलोको आँधीले रुखहरू ढलेसँगै बिलबोर्ड खसेको थियो । होर्डिङ बोर्ड खसेर सवारी साधनहरू पनि च्यापिएको दृश्य सामाजिक सञ्जालमा आएका छन् । घटनास्थलमा उद्धारका कामहरु भैरहेका छन् । होर्डिङ बोर्ड मुनिबाट पीडितलाई निकाल्न धातु काट्न विभिन्न ठूला उपकरणहरूको प्रयोग गरीएको थियो ।
