काभ्रे,
सरकारको आगामी आर्थिक वर्ष २०८१÷८२ को वार्षिक नीति तथा कार्यक्रम आज सार्वजनिक हुने भएको छ । आज दिउँसो ३ बजेका लागि बोलाइएको सङ्घीय संसद्को संयुक्त बैठकमा राष्ट्रपति रामचन्द्र पौडेलले नीति तथा कार्यक्रम प्रस्तुत गर्नुहुनेछ ।
नेपाली काँग्रेसको यसअघिको निरन्तरको संसद अवरोधका कारण आजको बैठकमा कसरी काँग्रेस प्रस्तुत हुन्छ भन्नेमा सबैको ध्यान केन्द्रीत छ । काँग्रेसले सहकारी प्रकरणमा मुछिएको भन्दै उपप्रधान तथा गृहमन्त्री रवि लामिछानेमाथि छानबिन गर्न संसदीय समिति गठनको माग राख्दै संसदमा अवरोध गरिरहेको छ ।
