काभ्रे,
काभ्रे जिल्लाको मुख्य ब्यापारिक केन्द्र बनेपामा रैथाने खाना महोत्सव हुने भएको छ । जिल्लामा व्यवसाय प्रवर्द्धनमा मद्दत पुर्याउने उद्देश्यले यही जेठ १०, ११ र १२ गते महोत्सवको आयोजना गरीएको काभ्रे होटल तथा रेष्टुरेण्ट ब्यवसायी संघका अध्यक्ष एवं महोत्सवका संयोजक श्याम कुमार (मुनाल) ले जानकारी दिनुभयो । भिमसेन मार्गमा महोत्सव हुनेछ ।
आज बनेपामा पत्रकार सम्मेलन गरेर दिईएको जानकारी अनुसार महोत्सवमा मुख्य आकर्षणका रूपमा सुकुल भोज तथा नेवारी परिकार रहनेछन । महोत्सवमा २५ देखि ४० वटा स्टल रहनेछ । प्रति स्टलको १० हजार मुल्य तोकिएको छ । अघिल्लो वर्षको भन्दा यो वर्ष थप सुधार र प्रभावकारि बनाउने छौं । स्वस्थकर खाना खुवाउँछौं । व्यवसाय प्रवर्द्धनमा समेत मद्दत पुर्याउने हाम्रो उद्देश्य छ ।’ संयोजक मुनालले भन्नुभयो । काभ्रे पार्टी प्यालेस तथा क्याटरिङ्ग संघका अध्यक्ष शिव प्रसाद तिमल्सिनाले रैथाने परिकारको प्रवर्द्धनमा मद्दत पुग्ने धारणा ब्यक्त गर्नुभयो ।
