काभ्रे,रेडियो रोशी,
विश्व स्वतन्त्र क्योकुशिन संगठन भकुञ्डेबेशीले भेटघाट तथा चियापान कार्यक्रम सम्पन्न गरेको छ । आज नमोबुद्द चेम्बर अफ कमर्शका अध्यक्ष बिदुर प्रसाद बर्तौलाको प्रमुख आतिथ्यता तथा भकुन्डेबेशी प्रहरी चौकिका ईन्चार्ज बुद्धि खड्काको बिषेश आतिथ्यतामा संगठनले नमोबुद्ध ७ भकुञ्डेबेशी स्थित स्पोर्टस होटलमा कार्यक्रम सञ्चालन गरेको हो ।
कार्यक्रमको प्रमुख अतिथि नमोबुद्द चेम्बर अफ कमर्शका अध्यक्ष बिदुर प्रसाद बर्तौलाले पानसमा दिप प्रज्वलन गरेर शुभारम्भ गर्नुभएको थियो । कार्यक्रममा विश्व स्वतन्त्र क्योकुशिन संगठन भकुञ्डेबेशीकि खेलाडी करिस्मा लामाले स्वागत मन्तब्य राख्नुभएको थियो ।
कार्यक्रमलाई सम्बोधन गर्नुहुदै प्रमुख अतिथि बिदुर प्रसाद बर्तौलाले स्वास्थ्य र रास्ट्रको लागि खेलकुद नभै नहुने अभिङ्ग पक्ष रहेको बताउनुभयो । कराते केवल एक खेल मात्र नभएर यो एक जीवनशैली पनि भएको बताउनुभयो । यसले शारीरिक तन्दुरुस्तीका साथसाथै मानसिक, अनुशासन, धैर्यता, आत्मविश्वास र सम्मान जस्ता महत्वपूर्ण गुणहरू विकास गर्न मद्दत पुर्याउने उहाँको भनाई छ ।
खेलकुदले युवाहरूलाई सही मार्गमा डोर्याउन र स्वस्थ जीवनशैली अपनाउन प्रेरित गर्ने उहाँले बताउनुभयो । खेलकुदले खेलाडीहरूलाई आफ्नो प्रतिभा प्रदर्शन गर्ने एउटा उत्कृष्ट मञ्च प्रदान गरेको उहाँले बताउनुभयो । देश तथा बिदेसमा समेत उत्कृष्टता हासिल गर्न सक्षम हुनेगरी आफ्नो लक्ष प्राप्तिको लागि निरन्तर अघि बढिरहन खेलाडीहरूलाई आग्रह गर्नुभयो ।
कार्यक्रममा प्रहरी चौकि भकुञ्डेबेशीका हवल्दार कर्ण बहादुर गुरागाईँलाई प्रशंसापत्रद्धारा सम्मान गरीएको छ । कर्तब्यनिष्ठा र ईमान्दारीताका साथ नागरिकको सेवामा अहोरात्र खटेर सेवा प्रदान गरेको भन्दै उहाँलाई प्रमुख अतिथि, सभापति तथा अतिथिहरुले प्रशंसापत्रद्धारा सम्मान गरेका हुन् । त्यसैगरी चौथो रोशी कप मा बिजेता खेलाडीहरुलाई प्रमाणपत्र बितरण गरिएको थियो । विश्व स्वतन्त्र क्योकुशिन संगठन भकुन्डेबेशीमा हाल ७० जना खेलाडीहरु रहेका छन् ।
कार्यक्रममा श्री कृष्ण आधारभुत बिद्यालयको बिब्यस अध्यक्ष राम कुमार मैनाली, ग्रामिण पाठशाला एजुकेसनका कोअर्डिनेटर सौरभ मैनाली, समाजसेवी तथा बुद्धिजिबी ब्यक्तित्वहरु, पत्रकार, खेलाडीका अभिभावकहरु लगायतको सहभागिता रहेको थियो । विश्व स्वतन्त्र क्योकुशिन संगठन (wiko) नेपालका ब्रान्स चिफ दिलदोर्जे लामाको सभापतित्वमा कार्यक्रम सम्पन्न भएको हो ।
