बैशाख १३,
२०७८,काभ्रे/

काभ्रेमा आज थप ३४ जनामा कोरोना संक्रमण पुष्टि भएको छ । जिल्ला स्वास्थ्य कार्यालयका प्रमुख डा. नरेन्द्रकुमार झाका अनुसार कोरोना संक्रमण हुनेमा सबै भन्दा धेरै बनेपा नगरपालिकाका रहेका छन् । उनका अनुसार आज थपिएका नयाँ संक्रमित बनेपा नगरपालिकामा १५ जना, पनौतीमा ७ जना, धुलिखेलमा ४, मण्डनदेउपुरमा ३, पाँचखालमा २, नमोबुद्ध नगरपालिका, तेमाल गाउँपालिका र भुम्लु गाउँपालिकामा १/१ जना गरी जम्मा ३४ जनामा संक्रमण पुष्टी भएको हो ।

हालसम्म काभ्रेमा कुल कोरोना संक्रमित संख्या ३५ सय ४६ पुगेको छ । जसमा १३३ जना सक्रिय कोरोना संक्रमित छन् । यसैबिच काभ्रेमा आज पहिलो प्राथमिकताको दोश्रो मात्र खोप लगाउनेको संख्या २४१ जना रहेको छ । जिल्ला स्वास्थ्य कार्यालयका प्रमुख डा. नरेन्द्रकुमार झाका अनुसार आज जिल्ला स्वास्थ्य कार्यालयमा २० जना, जिल्ला कारागारमा २२१ जना गरी जामा २४१ जनाले खोप लगाएका हुन् ।

Facebook Comments Box