काभ्रे,
उत्पादित तरकारीको मुल्य नपाउँदा काभ्रेका किसानहरु चिन्तित बनेका छन् । खेतमा लगाइएको तरकारीबाट किसानले सावाँ समेत उठाउन नसक्ने गरी मुल्य सस्तिएपछि काभ्रेका किसानहरु समस्यामा परेका हुन् । छिमेकी देश भारतबाट आयात गरिएको तरकारीका कारण स्वदेश तरकारीले मुल्य पाउन सकेका छैनन् । तिहारको समयमा प्रतिकेजी १२० रुपैयाँसम्म काउली बिक्री गरेका पाँचखालका किसान छठसम्म आइपुग्दा प्रति केजी १० रुपैयाँमा बेच्न बाध्य भएका छन् ।
कतिपय किसानले काउलीको मुल्य प्रति केजी १० रुपैयाँबाट बढ्ने आशमा नटिपी राख्दा खेतबारी मै काउली कुहाउनुपर्ने अवस्था आएको किसानहरुले गुनासो गरेका छन् । अहिले जिल्लामा काउली, आलु, गोलभेडाको सिजन छ । छिमेकी देश भारतबाट आयात गरिएको तरकारीका कारण स्वदेश तरकारीले मुल्य नपाएको धेरै जसो किसानको बुझाइ छ ।
