रोशी सहकर्मी–साउन २३,
२०७७,काभ्रे/

जिल्ला प्रहरी कार्यालय काभ्रेले नेत्रविक्रम चन्द (विप्लव) नेतृत्वको नेकपाका जिल्ला सदस्य पक्राउ परेका छन् ।

सरकारद्वारा प्रतिबन्धित पार्टी घोषणा गरेको उक्त समुहको जिल्ला सदस्य प्रेम लामा भन्ने प्रशान्त कुमार मोक्तानलाई प्रहरीले बिहीबार पक्राउ गरेको जिल्ला प्रहरी कार्यालय काभ्रेका सूचना अधिकारी प्रहरी नायव उपरिक्षक कुमार बिक्रम थापाले जानकारी दिए ।

थापाका अनुसार मोक्तान रोशी गाउँपालिका वडा नं. ७ कटुञ्जेबेशी स्थित बिपी राजमार्ग सडक खण्डबाट पक्राउ परेका हुन् ।

उनलाई मुलुकी अपराध संहिता, २०७४ को परिच्छेद–५ सार्वजनिकहित, स्वास्थ्य, सुरक्षा, सुविधा र नैतिकता विरुद्धका कसूर अन्तर्गत दफा ११८ अभद्र व्यवहार गर्न नहुने कसूर शीर्षकमा मुद्दा चलाइएको प्रहरीले जानकारी दिएको छ ।

जिल्ला प्रशासन कार्यालय काभ्रेबाट ७ दिनको म्याद थप अनुमती लिई आवश्यक अनुसन्धान भइरहेको प्रहरीले जनाएको छ ।

Facebook Comments Box