काभ्रे,रेडियो रोशी,
रोशी गाउँपालिका–३ स्थित श्री शिखर बचत तथा ऋण सहकारी संस्था लि. को चौधौं बार्षिक साधारणसभा सम्पन्न भएको छ । गाउँपालिकाका अध्यक्ष दिनेस लामाको प्रमुखआतिथ्यता एवं गाउँपालिकाका उपाध्यक्ष मिम बहादुर वाईबाको बिसिस्ट आतिथ्यमा भएको कार्यक्रममा सहकारीको बार्षिक प्रगति प्रतिवेदन संस्थाका सचिव केसव बहादुर कार्किले प्रस्तुत गर्नुभएको थियो । कार्यक्रमका प्रमुख अतिथि गाउँपालिकाका अध्यक्ष दिनेस लामाले सन्चालनमा रहेका जतिपनि सहकारीहरुले सहकारीको मर्म र भावनाअनुसार शेयर सदस्यहरुलाई सेवा दिनुपर्ने बताउनुभयो । शिखर बचत तथा ऋण सहकारी संस्थालाई अझ प्रभावकारी ढङ्गबाट आफ्नो र पालिकाको तर्फबाट सधै साथ र सहयोग रहने बताउनुभयो । उँहाले सबै शेयर सदस्यलाई क्रियाशील रहन आग्रह गर्नुभयो । संस्थाको लेखा समिति प्रतिवेदन लेखा समिति सदस्य रेत बहादुर थापाले प्रस्तुत गर्नुभएको थियो भने संस्थाको बार्षिक आर्थिक प्रतिबेदन संस्थाका कोषाध्यक्ष अनिता लामाले प्रस्तुत गर्नुभएको थियो ।
सहकारीमा आजका दिनसम्म २७९ जना शेयर सदस्य रहेका छन् । सहकारीले असार मसान्तसम्म १ करोड ४ लाख ८८ हजार ३ सय ५५ रुपैया ४ पैसाको कारोबार गरेको छ । सहकारीले १२ लाख १७ हजार २ सय ६१ रुपैया आम्दानि गरेको छ भने ११ लाख ४० हजार ११ रुपैया खर्च गरेको छ । सहकारीले यस बर्ष ७७ हजार २ सय ४९ पैसा नाफा कमाएको छ ।
कार्यक्रममा सहकारीका सदस्यहरु, ३ नं वडाका वडा अध्यक्ष धनजित लामा, कार्यपालिका सदस्य सिता लामा लगायतको सहभागिता रहेको थियो ।
