काभ्रे,
बनेपा नगरपालिकाले सेवा करारमा नगर प्रहरी सहायक निरीक्षक सहित १० जना नगर प्रहरीमा भर्ना आब्हान गरेको छ । नगरपालिकाले एक जना प्रहरी सहायक निरीक्षक सहित १० जना नगर प्रहरीमा भर्ना आब्हान गरेको हो ।
नगरपालिकाले जारी गरेको सूचना अनुसार प्रहरी सहायक निरीक्षक र ५ जना नगर प्रहरी जवान खुल्ला तर्फ, दुई जना महिला, १ जना जनजाति र १ जना दलित कोटाबाट नियुक्ति गरिने जनाईएको छ ।
नगर प्रहरी सहायक निरीक्षकका लागि प्रविणता प्रमाणपत्र तह र नगर प्रहरी जवानका लागि एसएलसी वा एसईई परीक्षामा कम्तिमा सि ग्रेड ल्याई उत्तिर्ण भएको हुनुपर्नेछ । नगर प्रहरी सहायक निरीक्षकका लागि २१ वर्ष पूरा भई ३५ वर्ष ननाघेको र नगर प्रहरी जवानका लागि १८ वर्ष पूरा भई ३० वर्ष ननाघेको हुनुपर्ने नगरपालिकाले जनाएको छ ।
