काभ्रे,
बेथानचोक गाउँपालिकाको ग्रामीण महिला तरकारी तथा फलफुल सहकारीलाई कृषिजन्य उत्पादनको बजारीकरणका लागि आइचर गाडी हस्तान्तरणा गरिएको छ । एईआईएन लग्जेम्बर तथा बेथानचोक गाउँपालिकाको आर्थिक सहयोग र एआरडि को समन्वयनमा बा १७७५ नम्बरको गाडी हस्तान्तरण गरीएको हो । गाउँपालिकाको रु ५ लाख र एईआईएन लग्जेम्बर संस्थाको २५ लाख ८० हजार रुपैया सहयोगमा सहकारीलाई गाडी हस्तान्तरण गरीएको हो । गाउँपलिकाको वडा नं २ मा मुख्य कार्यालय रहेको यस सहकारीको हालका दिनसम्म ६ वटा वडामा कार्यक्षेत्र विस्तार भएको छ । सहकारीलाई प्राप्त भएको यस गाडी सँचालनको लागि सोही संस्थाका महिला प्रतिनिधिहरुलाई विशेष प्राथमिकता दिईने नेपालका लागि एईआईएन लग्जेम्बर संस्थाका कार्यकारी निर्देशक डि एन तिमल्सिनाले जानकारी दिनुभएको छ । हाल यस ग्रामिण महिला तरकारी तथा फलफूल सहकारीमा १ हजार ७ जना महिला सदस्यहरु आवद्ध भएका छन् ।
सहकारीले विशेष गरी व्यवसायिक तरकारी तथा फलफूल खेती र टनेल खेतीलाई प्राथमिकता दिँदै आएको छ भने सहकारीमा आवद्ध महिला कृषकहरुलाई आवश्यक परेको खण्डमा सहुलीयत ऋण पनि प्रदान गर्दै आएको छ । गाडी हस्तान्तरण कार्यक्रममा बेथानचोक गाउँपालिका वडा नं १ का अध्यक्ष तथा प्रवक्ता मधुसुधन तिमल्सिना,वडा नम्बर ३ का वडा अध्यक्ष ,गाउँपालिकाका पूर्व अध्यक्ष प्रेम बहादुर तिमल्सिना ,एईआईएन लग्जेम्बर संस्थाका कार्यकारी निर्देशक फान्को वेलिफिल्ड लगायतको उपस्थिति रहेको थियो ।
