यश कुमार परियार–चैत्र २३,
२०७६,काभ्रे/

जिल्लाको रोशी गाउँपालिका र नमोबुद्ध नगरपालिकालाई नाङशाल एशोसिएसन नेपालले स्वास्थ्य सामाग्री वितरण गरेको छ । सेभ द चिल्ड्रेनको सहयोगमा आज (आईतबार) नाङशालका अध्यक्ष दिनेश लामा, कार्यकारी निर्देशक गुणराज मुक्तानले रोशी गाउँपालिकाका अध्यक्ष डि.बि.लामा र नमोबुद्ध नगरपालिकाका प्रमुख टि.पि.शर्मा तिमल्सिनालाई संयुक्त रुपमा स्वास्थ्य सामाग्री हस्ताण्तरण गरेका हुन् ।

स्वास्थ्य सामग्रीहरुमा सर्जिकल मास्क ५ हजार थान, सर्जिकल ग्लोब्स १२ सय थान, सेनिटाईजर ४० वटा दुवै पालिकालाई दिईएको हो ।
सामग्री लिँदै रोशी गाउँपालिकाका अध्यक्ष डि.बि. लामाले संस्थाको सहयोग प्रति धन्यवाद दिए । विश्वभर महामारीको रुपमा फैलदै गएको नोभेल कोरोना भाईरस (कोभिड–१९) बाट विश्व आक्रन्त भएको समयमा यसरी संस्थाले सहयोग गरेकोमा खुसी व्यक्त गरेका छन् । साथै आज नै विभिन्न स्वास्थ्य संस्थाहरुमा पुर्याईने उनले जनाए ।

त्यस्तै नमोबुद्ध नगरपालिकाका नगर प्रमुख टि.पि.शर्मा तिमल्सिनाले संस्थाको सहयोग प्रति धन्यवाद दिए । यस विपदको समयमा सँगै मिलेर अगाडि बढ्नुपर्ने बताउँदै आगामी दिनमा संस्थाको प्रगतिको कामना गरे ।

Facebook Comments