काभ्रे,
काभ्रे जिल्लाको रोशी गाउँपालिकाको गाउँ सभाको १४ औँ अधिवेशन सम्पन्नभएको छ ।
आज सोमबार गाउँपालिका अध्यक्ष दिनेश लामाको अध्यक्षतामा भएको सभाले आर्थिक ऐन माथिको संशोधन प्रस्ताव, अर्धबार्षिक प्रगती प्रतिवेदन प्रस्तावर न्यायिक समितिको अर्धबार्षिक प्रगति प्रतिवेदन प्रस्ताव लगायत विभिन्न प्रस्तावहरू पास गर्दै सभा सम्पन्न भएको छ ।
उक्त सभामा रोशी गाउँपालिका वडा नं. ३ का वडाध्यक्ष धनजित लामाले शुभकामना मन्तव्य राख्नुभएको थियो भने गाउँपालिकाका उपाध्यक्ष मिमबहादुर वाईबाले न्यायिक समितिको अर्धवार्षिक प्रगति प्रतिवेदन प्रस्ताव पेश गर्नुभएको थियो । त्यसैगरी गाउँपालिकाका प्रवक्ता तथा वडा नं. १२ का वडाध्यक्ष वसन्तकुमार तामाङले अर्धबार्षिक प्रगती प्रतिवेदन पेश गर्नुभएको थियो । सो प्रस्तावहरू सर्वसम्मतले पारित गरेका छन् ।
प्रवक्ता वसन्त कुमार तामाङले पेश गर्नुभएको अर्धवार्षिक प्रगति प्रतिवेदन अनुसार चालु आर्थिक वर्ष २०८०÷०८१ मा कुल ७४ करोड २७ लाख ६० हजार आय हुने र सोही अनुसार व्यय हुने अनुमान गरिएकोमा ३५ करोड ५३ लाख ३६ हजार ३१३ आय गरेको छन् भने २६ करोड ६९ लाख७५ हजार ६७व्याय गरेको छ । गाउँ सभाका सचिव गाउँपालिकाका प्रमुख प्रशासकीय अधिकृत रामबहादुर तामाङ रहनुभएको थियो ।
